ZIARA...

Posted on: June 13th, 2023

Mwenyekiti wa Halmashauri ya Wilaya ya Bagamoyo Mhe Mohamed Usinga amefanya Ziara hii leo Tarehe 13 June 2023 katika Kata ya Kiromo na Kata ya Mapinga.

Katika Ziara yake hiyo Mhe Mohamed Usinga ametembelea ujenzi unaoendelea wa Mradi wa boost wa vyumba vya Madarasa pamoja na shule ya Mfano za Awali Katika kata hizo.

Akizungumza mara baada ya kutembelea miradi hiyo ya ujenzi Mhe Usinga ametoa pongezi kwa Jitihada kubwa zinazoendelea katika kuhakikisha wanakamilisha ujenzi huo kwa Wakati na wenye ubora.

"Niwaambie ndugu zangu kiukweli kabisa mnafanya Kazi nzuri ya usimamizi wa ujenzi mpaka hapa mlipo fikia hongereni Sana"amesema.

Sanjari na hayo Mhe Mwenyekiti ameshauri pia Mafundi Kuendelea kuongeza kasi ya ujenzi ili kuhakikisha wanamaliza katika muda uliopangwa kumalizika kwa Miradi

Pia amewataka kuhakikisha wanajenga kwa ubora wa hali ya juu ili kuweza kujitengenezea sifa njema za Kuendelea kupata kazi sehemu nyingine kutokana na ubora wa kazi wanazozifanya.

Ziara za Mhe Mwenyekiti wa Halmashauri ya Bagamoyo hufanyika kila siku ya Jumanne na Alhamis ikiwa na lengo la Kuendelea kutoa hamasa na kuhimiza shughuli zinazoendelea kufanyika za kimaendeleo katika Halmashauri.