ZIARA..

Posted on: May 29th, 2023

Mkuu wa Wilaya ya Bagamoyo Mhe Halima Okash leo Tarehe 29 Mei 2023 amefanya ziara ya ukaguzi wa miradi ya Maendeleo pamoja na Kuzungumza na wananchi wa Kata ya Kerege.

Katika ziara yake hiyo Mhe Mkuu wa Wilaya ametembelea na kukagua shughuli za uzalishaji katika kiwanda cha Irvine-Kerege pia ametembelea na kukagua shughuli za uzalishaji katika kiwanda cha Hakika Breweries kilichopo Kerege Bagamoyo.

Pia Mhe Halima Okash ametembelea na kujionea Hali ya Ujenzi wa Vyoo vya Walimu Matundu 3 katika Shule ya Msingi Kerege,Matundu 6 ya Vyoo Pamoja na Ukamilishani wa vyumba viwili vya Madarasa,

Pia Mhe Mkuu wa Wilaya Ametembelea ujenzi wa Box Kalavat Barabara ya Manofu Aman, Ujenzi wa ofisi ya Kitongoji cha Manofu pamoja na ujenzi wa jengo la huduma za Mionzi Katika Kituo cha Afya Kerege.

Sanjari na hayo Mkuu wa Wilaya amefanya Mkutano wa Hadhara na Kuzungumza na Wananchi kwa kusikiliza kero Mbalimbali pamoja na changamoto zilizopo na kuzitolea majibu kero hizo pamoja na Changamoto.

Ziara hiyo ya Mkuu wa Wilaya ya Bagamoyo Mhe Halima Okash itaendelea tena Hapo kesho kwa kutembelea Kata ya kiromo..