WALIMU WASAIDIZI WA JAMII WAENDELEA NA MAFUNZO BAGAMOYO PWANI..

Posted on: October 17th, 2022

Walimu wasaidizi wa jamii 38 kutoka Halmashauri mbalimbali  Mkoani Pwani wanaendelea  na mafunzo maalumu kwa ajili ya mpango wa utayari wa kuanza shule yanayofanyika katika Shule ya Sekondai Bagamoyo Mkoani Pwani. Mafunzo hayo ya siku tano yana lengo la kuwatayarisha walimu hao wasaidizi wa jamiii kuwa tayari kufundisha watota wa shule za utayari katika vituo vyao pindi wakimaliza mafunzo.

        Mafunzo haya yanaandaa walimu wa kujitolea katika vituo vya shule ya utayari kwa kutumia mitaala na miongozo iliyotarishwa na Tasisi ya Elimu. Miongozo ya mafunzo imejikita katika sehemu tano ambayo ni kuwawezesha walimu wa jamii kuwasiliana na wanafunzi kwa lugha ya Kiswahili , utambuzi wa picha mbalimbali, kuhusiana na kuwa na uwezo wa kusalimiana  na kujenga afya kwa njia ya michezo pamoja na suala zima la utunzaji wa mazingira.

Mlezi mkuu wa shule hizi itakuwa shule mama. Kwa upande wake Mkuu wa Idara ya Elimu ya Awali na Msingi Halamashauri ya Wilaya Bagamoyo Bi Wema Kajigiri waliwasihi walimu hao wa jamii kujifunza kwa bidii ili waweze kutekeleza majukumu yao. “Nategemea mukawe walimu bora kwenye vituo vyenu baada ya mafunzo haya na hii itaonyesha baada ya wanafunzi wenu kuwa bora waatakapojiunga na shule mama” alisisitiza Bi Kajigiri.

  Mpango wa   utayari wa kuanza shule ni mradi uliopo chini ya Mradi wa Shule Bora Nchini unaotekelezwa kwa pamoja kati ya Serikali ya Tanzania na Uingereza kupitia Cambridge Education Tanzania.