PUNGUZENI MATUMIZI YA MKAA – RC.Ndikilo.

Posted on: April 16th, 2021

Mkuu wa       Mkoa wa Pwani Mhe. Mhandisi   Evarist Ndikilo amewataka wananchi wa Wilaya ya Bagamoyo kubadilisha tabia ya kutumia mkaa kwa shughuli za majumbani na kuanza kutumia gesi ambayo itapunguza matumizi  ya kutumia mkaa na uharibifu wa mazingira.

Hayo yasemwa tarehe 16 aprili 2021 wakati wa hafla ya upandaji wa miti kimkoa iliyo fanyika katika eneo la Mlingotini Wilayani Bagamoyo na kuhudhuliwa na viongozi mbalimbali wa Wilaya na Halmashari pamoja na wakazi wa mlingotini.

Mhe. Ndikilo amesema upo umuhimu mkubwa wa kubadili tabia ya kutumia mkaa na badala yake kuanza kutumia gesi ambayo itapunguza gharama pamoja na kupinguza idadi kubwa ya uhalibufu wa mazingira ambayo inachangia kukatwa kwa miti mingi ili kuweza kupatikana mkaa kwa ajili ya matumiazi ya majumbani.

‘’Bahati nzuri Mkoa wa Pwani tunakiwanda tunatengeneza mitungi ya gesi sasa ni jukumu letu sisi viongozi wa serikali na wawekezaji kuwapa taarifa ili kuwaletea huduma hii ya mitungi ya gesi kwenye maeneo yenu mtasaidia sana kuhifadhi mazingira’’ alisema Mkuu wa Mkoa  

Aidha Mhe. Mkuu wa Mkoa amewataka wananchi kutunza mazingira na kuweka utaratibu wa kupanda miti katika maeneo yao wanayoishi na kila mmoja kuwa mlinzi kwa mwenzake katika utunzaji wa mazingira yaliyo wazunguka hasa katika suala la ukataji wa miti hovyo.

Mhe. Ndikilo ameagiza taasisi zote za kiserikali na zisizo za kiserikali kupanda miti katika maeneo yao ili kuhakikisha wanatunza mazingira kwa kupanda miti na kuendelea kuazimisha siku ya upandaji miti pia kufikia lengo waliojiwekea la kupanda miti katika kila Wilaya.

Kila mwaka serikali huadhimisha siku ya upandaji miti Kitaifa tarehe 1 Aprili aidha Mkoa unakuwa na siku maalumu ya uhamasishaji wa upandaji wa miti Kimkoa katika moja ya Halmashauri zake,vilevile kila Halmashauri inawajibu wa kupanda miti ipatayo 1,500,000 kwa mwaka kutokana na agizo la aliyekuwa Makamu wa Rais na sasa Rais wa Jamhuri ya Muungano wa Tanzania Mhe. Samia Suluhu Hassan.

Sanjari na hayo mkoa wa Pwani umefanya maadhhimisho ya upandaji wa miti kimkoa katika Wilaya ya Bagamoyo eneo la mlingotini nakupandikiza miche ya mikoko katika eneo hilo la bahari huku Wilaya hiyo ikipokea mgao wa miche 65,714 ipandwe kabla ya mwisho wa mvua .