MKUU WA WILAYA AFANYA MAZUNGUMZO NA BODI YA UTALII..

Posted on: May 15th, 2025

Mkuu wa Wilaya Mhe Shaibu Ndemanga amefanya mazungumzo na Mwakilishi kutoka Bodi ya utalii juu ya utengenezaji wa filamu fupi ya kuonesha utalii Wilayani Bagamoyo pamoja na watengenezaji wa Filamu hiyo Mtembezi Adventure.

Mhe Ndemanga ameeleza dhamira yao kama Wilaya ambayo wanahitaji kuifanya ikiwa na lengo la kuitangaza Bagamoyo katika suala zima la utalii na kuitangaza Bagamoyo Kimataifa.

Mhe Mkuu wa Wilaya pia amesema kuwa tayari maandalizi yameanza lakini pia wamekuwa na mazungumzo na wadau mbalimbali ambao wanaweza kushiriki  kama wadhamini  katika filamu hiyo.

Vilevile Mhe Ndemanga ameeleza kuwa lengo la kufanya mazungumzo na Bodi ya Utalii ni kupata ushirikiano pamoja na kuongeza maoni wakati wa utekelezaji wa filamu hiyo.

Nae mwakilishi kutoka Bodi ya Utalii Tanzania Bi Alistidia  Karaze  ametoa pongezi kwa Uongozi wa Wilaya ya Bagamoyo kwa jambo zuri ambalo wanakwenda kulifanya la kutangaza Bagamoyo kwenye upande wa utalii.

Vilevile Bi Alistidia ameeleza kuwa wao kama bodi wamebariki kuendelea kwa jambo hilo huku akitoa rai kwa upande wa wamiliki wa hoteli kuboresha  mazingira yao ya hoteli pamoja na maeneo mengine.

Pia amesema kuwa ni vizuri pia kupeleka dodoso lao la bajeti ya utenenezaji wa filamu hiyo  ili kuona namna wao kama bodi watashiriki kwa namna moja na nyingine katika maandalizi hayo ya Filamu hiyo.

Amesisitiza  pia kutumia watu mashuhuli wakati wa utengenezaji wafilamu hiyo ili kuweza kutengeneza mvuto zaidi katika filamu hiyo lengo ni kuhakikisha filamu hiyo ya utalii inakuwa nzuri na inapata mapokezi mazuri.