Divisheni ya Kilimo,Mifugo na Uvuvi

Divisheni hiii inasimamiwa na Mkuu wa Divisheni Bi. Mary Kissimbo

Simu Na. +255 788 766 641

Email:  mary.kissimbo@bagamoyodc.go.tz  

Lengo
Kukuza mageuzi na maendeleo ya kilimo, umwagiliaji, mifugo na uvuvi.

Kazi
Divisheni itafanya kazi zifuatazo:-
(i) Kuchambua, kutafsiri na kusimamia utekelezaji wa Sera, Sheria na Udhibiti wa
kilimo, umwagiliaji, Mifugo na Uvuvi;
(ii) Kupendekeza viwango na bei za bidhaa na huduma zitokanazo na kilimo, mifugo
na uvuvi;
(iii) Kuandaa mipango na programu fupi na ndefu za kuendeleza kilimo, umwagiliaji,
mifugo na uvuvi;
(iv) Kusimamia uendelezaji na utawala bora wa vyama vya ushirika katika
Halmashauri;
(v) Kutoa ushauri wa kitaalamu kwa wadau wanaohusika na kilimo, umwagiliaji,
mifugo na uvuvi;
(vi) Kuandaa taarifa za kilimo, umwagiliaji, mifugo na uvuvi; na
(vii) Kusimamia ukusanyaji na udhibiti wa mapato ya shughuli za kilimo, umwagiliaji,
mifugo na uvuvi.

Divisheni hii itaongozwa na Mkuu na itajumuisha Sehemu tatu (3):-
(i) Sehemu ya Kilimo;
(ii) Sehemu ya Mifugo; na
(iii) Sehemu ya Uvuvi.

3.7.1 Sehemu ya Kilimo
Sehemu itafanya shughuli zifuatazo:-
(i) Kutayarisha na kutekeleza programu za usambazaji wa mbolea katika vituo
mbalimbali vya mauzo;
(ii) Kuandaa programu za kupanga na kuhifadhi pembejeo za kilimo;
(iii) Kufanya uchunguzi wa udongo wa sampuli za shamba la mkulima na ushauri
ipasavyo;
(iv) Kutoa ushauri kwa wakulima kuhusu, utunzaji baada ya kuvuna, usindikaji wa
mazao ya kilimo na uongezaji thamani wa mazao ya kilimo;
(v) Kukadiria mavuno/uzalishaji wa mazao muhimu;
(vi) Kufanya kazi za takwimu na sensa ya kilimo;
(vii) Kufanya maonyesho ya majaribio ya majaribio ya aina mbalimbali na mbolea
kutoka kwa sehemu ya Halmashauri nzima;
(viii) Kusimamia uendelezaji na utawala bora wa vyama vya ushirika;
(ix) Kuratibu uwekaji hifadhi ya mbolea/mimea katika ngazi ya kijiji;
(x) Kuandaa kambi za mafunzo kwa wakulima katika ngazi ya kijiji;
(xi) Kutayarisha na kutekeleza mpango wa mseto wa mazao hasa kwa maeneo ya
umwagiliaji kwenye vitalu;
(xii) Kutekeleza Programu ya Maendeleo ya Bayogesi;
(xiii) Kupanga, kubuni, kujenga na kudumisha skimu za umwagiliaji;
(xiv) Kuwezesha uundaji wa mashirika ya wamwagiliaji na kuhakikisha kuwa asasi
zinapewa ujuzi unaohitajika kwa ajili ya usimamizi bora na endelevu wa
umwagiliaji;
(xv) Kusaidia utungaji na utekelezaji wa sheria ndogo za umwagiliaji na Chama cha
Wamwagiliaji katika maeneo yao; na
(xvi) Kutoa huduma za mrejesho kwa wakulima katika skimu ya umwagiliaji kwa
kuanzisha timu za usaidizi za usimamizi wa skimu za umwagiliaji.
Sehemu hiyo itaongozwa na Afisa Mfawidhi.

3.7.2 Sehemu ya Mifugo
Sehemu itafanya shughuli zifuatazo:-
(i) Kutafsiri na kusimamia utekelezaji wa sera, sheria, kanuni na taratibu za Mifugo;
(ii) Kuandaa mpango na programu ya muda mfupi na mrefu ya kuendeleza mifugo;
(iii) Kutathmini uhifadhi na matumizi ya rasilimali za mifugo;
(iv) Kusimamia uendelezaji na utawala bora wa vyama vya ushirika;
(v) Kutoa msaada wa kiufundi kwa wadau wa sekta ya mifugo; na

(vi) Kuratibu na kusimamia miradi yote inayohusu mifugo.
(vii) Sehemu hiyo itaongozwa na Afisa Mfawidhi.

3.7.3 Sehemu ya Uvuvi
Sehemu itafanya shughuli zifuatazo:-
(i) Kutafsiri na kusimamia utekelezaji wa sera, sheria, kanuni na taratibu za uvuvi;
(ii) Kuandaa mpango na programu ya muda mfupi na mrefu kwa ajili ya kuendeleza
rasilimali za uvuvi;
(iii) Kutathmini uhifadhi na matumizi ya rasilimali za uvuvi;
(iv) Kusimamia uendelezaji na utawala bora wa vyama vya ushirika
(v) Kutoa msaada wa kiufundi kwa wadau wa sekta ya uvuvi; na 

(vi) Kuratibu na kusimamia miradi yote inayohusika na uvuvi.
Sehemu hiyo itaongozwa na Afisa Mfawidhi.