Historia

HALMASHAURI YA WILAYA YA BAGAMOYO

1.      UTANGULIZI
Halmashauri ya Wilaya ya Bagamoyo ni moja kati ya Halmashuri 9 katika Wilaya 7 za Mkoa wa Pwani. Halmashauri ya Bagamoyo inaundwa na Tarafa 2, Kata 11, Vijiji 8 na Vitongoji 174  

1.1.JIOGRAFIA YA WILAYA
Halmashauri ya Wilaya ya Bagamoyo ina ukubwa wa eneo lenye kilometa za mraba 945 ambalo ni eneo la nchi kavu.

1.2.MIPAKA YA ENEO
Halmashauri ya Wilaya inapakana na Bahari ya Hindi kwa upande wa Mashariki, Kusini inapakana na Wilaya za Kibaha na Kinondoni, Magharibi na kaskazini inapakana na Halmashauri ya Wilaya ya Chalinze.  Makao Makuu ya Wilaya yapo Bagamoyo mjini (mji wa kihistoria /stone town) umbali wa kilomita 65 kaskazini ya jiji la Dar es Salaam.

1.3.HALI YA HEWA
Halmashauri ya Wilaya ya Bagamyo inapata kiasi cha wastani wa mm 800 – mm1200 za mvua kwa mwaka.Wilaya  ina misimu miwili ya mvua ambayo ni Msimu wa Vuli unaoanzia mwezi Oktoba – Desemba na Msimu wa Masika unaoanzia mwezi Machi – Juni.
Mtiririko wa mvua na Idadi ya siku kwa kipindi cha miaka 10 (2007 – 2016)
 
1.4.IDADI YA WATU
Kwa mujibu wa Sensa ya Watu na Makazi ya mwaka 2022, Halmashauri ya Wilaya  inajumla  ya wakazi 205,478 (wanaume 101827 na  wanawake 103651). Kutokana na ongezeko la watu la  Halmashauri ya Wilaya ya Bagamoyo kwa mwaka 2022 inakadiriwa kuwa na watu 205,478 (wanaume 101827 na wanawake 103651).

1.5.PATO LA MWANACHI
Pato la Mwananchi limekuwa likiongezeka Mwaka hadi mwaka Kama ifuatavyo:
 
Lengo la Halmashauri ni kuboresha shughuli za uzalishaji ikiwa ni pamoja na  Kilimo, ufugaji wa Mifugo na Nyuki, huduma za jamii  na Miundombinu ya barabara ili Pato la mwananchi kwa mwaka 2016/2017 liwe zaidi ya Tsh 858,126.


1.6.SHUGHULI ZA KIUCHUMI

Shughuli kuu za Kiuchumi katika Halmashauri ya Wilaya ya Bagamoyo ni pamoja na;

•Kilimo; Mpunga, Mahindi, Pamba, Ufuta, Mananasi, Korosho, Viazi vitamu, Nazi na Maembe.

•Uvuvi katika Bahari ya Hindi, mto Ruvu pamoja na mabwawa ya kuchimba.

•Ufugaji.

•Uvunaji wa chumvi pamoja na zao la mwani.

•Utalii wa Asili (Fukwe nzuri za baharí ya Hindi, viumbe vya baharini, Hifadhi ya mikoko, bustani ya Matumbawe)

•Utalii wa kiutamaduni (Maeneo ya kihistoria, uchoraji, uchongaji, ngoma za asili, tiba za jadi, mavazi)
Shughuli zinazoongoza kukuza uchumi wa Halmashauri ya Wilaya ni pamoja na kilimo, ufugaji, uvuvi na uuzaji wa rasilimali madini ya aina mbalimbali kutoka pembezoni mwa Bahari; Mapinga, Magomeni, Makurunge, Kiromo, Yombo na Kitame.